İranın Pakistanın vasitəçiliyi ilə ABŞ-yə 14 maddədən ibarət yeni təklif mətnini təqdim etdiyi bildirilib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, Tehran rəhbərliyi Pakistanın vasitəçiliyi ilə Vaşinqtona 14 maddəlik yeni təklif göndərib.
Qeyd olunub ki, İranın təqdim etdiyi təklif əsasən müharibənin dayandırılması ilə bağlı danışıqlar və ABŞ tərəfinin etimadı artıracaq addımları mövzusuna yönəlib.
İran ABŞ ilə aparılan danışıqlarda vasitəçilik edən Pakistan rəhbərliyinə ABŞ ilə müharibəni dayandıra biləcək razılaşma üçün yeni təklif göndərdiyini açıqlamışdı.
Xatırladaq ki, Donald Trump mayın 3-də İsrail dövlət televiziyası KAN-a verdiyi müsahibədə İranın danışıqlarda təqdim etdiyi təklifi nəzərdən keçirdiyini və onu qəbuledilməz hesab etdiyini bildirmişdi. Bundan sonra ABŞ öz şərtlərini ehtiva edən yeni təklifi Pakistan vasitəsilə İrana təqdim etmişdi.
İran isə mayın 10-da öz şərtlərini əks etdirən yeni təklifini ABŞ-yə çatdırılması üçün Pakistana göndərmişdi.
Tramp İranın təklifini “cavablarını bəyənmədim” sözləri ilə şərh edib və hücum təhdidlərini yenidən səsləndirib.
