Respublika Təcili və Təxirəsalınmaz Tibbi Yardım Mərkəzinə fevralın 28-i saat 20:00 radələrindən indiyədək qarlı hava şəraitində xəsarət alan 17 nəfər müraciət edib.
Bu barədə "Operativ Məlumat Mərkəzi-OMM"-in sorğusuna cavab olaraq TƏBİB-dən bildirilib.
Məlumata əsasən, müraciət edənlərdən 9-u qadın, 8-i kişidir. Onlardan 14 nəfər müxtəlif travmalarla müvafiq tibb müəssisələrinə hospitalizasiya olunub. Üç nəfər xəstəxanaya yerləşdirilməkdən imtina edib.
