Roberto Soldado karyerasını başa vurduğunu açıqlayıb.
"Operativ Məlumat Mərkəzi-OMM" xəbər verir ki, o, 38 yaşında futbolla vidalaşıb.
"Bu gün 21 illik karyerama son qoyuram. Mən də heç vaxt gerçəkləşməyəcəyini və bu qədər uzun sürəcəyini düşünmədiyim bir xəyala son qoyuram. Bu yolda məni müşayiət edən komanda yoldaşlarıma, dostlarıma, ailəmə, məşqçilərimə və azarkeşlərimə təşəkkür etmək istəyirəm”, - futbolçu qeyd edib.
Soldado futbolçu karyerasına “Don Bosco Jug”da başlayıb. Daha sonra o, müvafiq olaraq "Real Madrid", "Osasuna", "Getafe", "Valensiya", "Tottenham", "Villarreal", "Fənərbaxça", "Qranada" və nəhayət "Levante" klublarında çıxış edib.
Roberto Soldado karyerası ərzində ümumilikdə 610 rəsmi matçda iştirak edib. Futbolçu 224 dəfə rəqib torunu silkələməyi bacarıb və 74 dəfə qol ötürməsi verib.