Baş Prokurorluğun təşkilatçılığı ilə Bakıda “Suverenliyin keşiyində: Konstitusiyada Prokurorluğun statusu” adlı beynəlxalq konfrans keçirilib.
"Operativ Məlumat Mərkəzi-OMM" xəbər verir ki, konfransda Prezident İlham Əliyevin müraciəti oxunub.
Daha sonra Baş Prokuror Kamran Əliyev çıxış edib.
Tədbir konfransa dəvət edilən xarici ölkələrin prokurorlarının çıxışları ilə davam edib.
Qeyd edək ki, konfrans çərçivəsində Tanzaniya və Azərbaycan Baş prokurorluqları arasında memorandum imzalanacaq.
Konfransda Uqanda, Laos, Tanzaniya, Keniya Baş prokurorları və Türkiyə Baş Prokurorluğunun nümayəndələri iştirak edib.
***
Sentyabrın 22-də Heydər Əliyev Mərkəzində Azərbaycan Respublikası Baş Prokurorluğunun təşkilatçılığı ilə "Suverenliyin keşiyində: Konstitusiyada Prokurorluğun statusu" adlı dəyirmi masa formatında beynəlxalq konfrans işə başlayıb.
"Operativ Məlumat Mərkəzi-OMM" xəbər verir ki, "Konstitusiya və Suverenlik İli" çərçivəsində, həmçinin Azərbaycan Prokurorluğunun peşə bayramı və 107 illiyi ərəfəsində keçirilən beynəlxalq konfransda Azərbaycanla yanaşı, Uqanda, Laos, Tanzaniya və Keniyanın Baş prokurorları, eləcə də Türkiyə Prokurorluğunun nümayəndəsi iştirak edirlər.
Tədbirdə əvvəlcə Baş prokuror Kamran Əlıiyev Azərbaycan Respublikasının Prezidenti İlham Əliyevin beynəlxalq konfrans iştirakçılarına müraciətini oxuyub.
