Məlum olduğu kimi, Sumqayıt şəhərində müasir tələblərə cavab verən yeni stadion tikilib. Lakin tikintinin 6 aydan çoxdur başa çatmasına baxmayaraq, stadionun açılışı olmayıb. Məsələ Sumqayıt sakinləri kimi bütün futbol cameyəsini maraqlandırırdı.
"Operativ Məlumat Mərkəzi - OMM" xəbər verir ki, məsələ ilə bağlı Sumqayıt Şəhər İcra Hakimiyyəti açıqlama verib.
Qeyd olunub ki, stadion yaxın vaxtlarda istifadəyə veriləcək.
"Məlumat üçün bildirək ki, Prezident İlham Əliyevin Sərəncamı ilə Sumqayıt şəhərində möhtəşəm stadion inşa olunub. Mehdi Hüseynzadə adına Sumqayıt şəhər stadionunu beynəlxalq standartlara uyğun şəkildə və xüsusi zövqlə yenidən tikilib. On min azarkeş tutumuna malik olan stadion yaxın zamanlarda futbolsevərlərin ixtiyarına veriləcək", - deyə məlumatda qeyd olunub.
Məlik Məlikov
