İndoneziyanın mərkəzindəki Maluku dənizində 5,8 bal gücündə zəlzələ qeydə alınıb.
“Operativ Məlumat Mərkəzi-OMM” xəbər verir ki, bu barədə Rusiya Elmlər Akademiyasının Vahid Geofizika Xidməti məlumat yayıb.
Məlumata görə, zəlzələnin episentri Sulavesi adasındakı Bitunq şəhərindən 111 kilometr şərqdə və Maluku arxipelaqındakı kiçik Maju adasından təxminən 20 kilometr qərbdə yerləşib.
Episentrdəki təkanların intensivliyinə əsasən, zəlzələ "dağıdıcı" kimi qiymətləndirilir.
