Somalinin baş naziri Barre Türkiyənin Moqadişu səfiri vəzifəsinə təyin edilən Alper Aktaşı qəbul etdikdən sonra verdiyi açıqlamada iki ölkə arasındakı əlaqələrdən danışıb.
"Operativ Məlumat Mərkəzi-OMM" xəbər verir ki, bu barədə Somali Xəbər Agentliyi SONNA məlumat verib.
Türkiyə ilə köklü qardaşlıq və əməkdaşlıq tarixi olduğunu vurğulayan Barre, "Türkiyə bizim daimi müttəfiqimizdir", - deyib.
Baş nazir Barre səfir Aktaşı yeni vəzifəsi münasibətilə təbrik edib və Türkiyənin çətin günlərində Somalini dəstəklədiyini və ölkə daxilində müxtəlif inkişaf layihələrinə mühüm töhfələr verdiyinə diqqət çəkib.
Səfir Aktaş əlaqələri möhkəmləndirməyə davam edəcəklərini bildirərək, Somali hökuməti və xalqının göstərdiyi səmimi qonaqpərvərlikdən məmnunluğunu ifadə edib.
