Siyəzən rayonunda baş verən qəzada ölənlərin sayı 4-ə çatıb.
"Operativ Məlumat Mərkəzi - OMM "un Şimal bürosunun məlumatına görə, rayon sakini, "Audi" markalı minik avtomobilinin sürücüsü, 1992-ci il təvəllüdlü Məmmədov Nicat Kamran oğlu Siyəzən Regional Diaqnostika Mərkəzinin reanimasiya şöbəsində dünyasını dəyişib.
Onun meyiti müayinə olunması üçün Məhkəmə-Tibbi Ekspertiza və Patoloji Anatomiya Birliyinin Şabran rayon şöbəsinə təhvil verilib.
Faktla bağlı araşdırma aparılır.