Cənubi Koreyanın Birləşmiş Qərargah Rəisləri Şimali Koreyanın Sarı dəniz istiqamətində çoxsaylı ballistik raketlər atdığını iddia edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, məsələ ilə bağlı Cənubi Koreya Baş Qərargahı məsələ ilə bağlı açıqlama verib.
Açıqlamada Şimali Koreyanın yerli vaxtla saat 13:50 radələrində Hvanqhae bölgəsindən Sarı dənizə doğru çoxsaylı ballistik raketlər atdığı iddia edilib.
Cənubi Koreya ordusu ABŞ ilə koordinasiyalı şəkildə hadisələri izləyir və döyüş hazırlığı vəziyyətində olacaq.
Digər tərəfdən, ABŞ və Cənubi Koreya Şimali Koreyanın regional təhdidlərinə qarşı birgə müdafiə imkanlarını gücləndirmək üçün bu gün “Azadlıq Qalxanı 2025” təliminə başlayıb.
Şimali Koreya Xarici İşlər Nazirliyindən verilən açıqlamada, birgə hərbi təlim təhlükəli təxribat xarakterli hərəkət kimi pislənilib.
