Misli Premyer Liqasında "Səbail" "Turan Tovuz"la qarşılaşıb.
"Operativ Məlumat Mərkəzi-OMM" xəbər verir ki, "ASCO Arena"da reallaşan qarşılaşma 1:1 hesablı bərabərliklə yekunlaşıb.
Matçda hesabı 40-cı dəqiqədə meydan sahiblərindən Rüfət Abdullazadə açıb. Qonaqlar yalnız final fitinə 4 dəqiqə qalmış məğlubiyyətdən xilas ola biliblər. Faiq Hacıyev komandasına 1 xal qazandıran qolun müəllifi olub.
Turnir cədvəlində "Turan Tovuz" 26 xalla üçüncü, "Səbail" 8 xalla doqquzuncu sırada qərarlaşıb.
