Şabranda dənizdə batan şəxsin meyiti tapılıb.
"Operativ Məlumat Mərkəzi-OMM"-in məlumatına görə, rayonun Çayqaraqaşlı kəndi yaxınlığında dənizdə, ən yaxın sularda xilasetmə məntəqəsindən təqribən 30 km aralı, nəzarətsiz ərazidə batan rayonun Qorgan kənd sakini, 2010-cu il təvəllüdlü Hidayətov Elmir Əlizaman oğlunun meyiti sudan çıxarılaraq aidiyyəti üzrə təhvil verilib.
Araşdırma aparılır.
09.05***
Şabranda bir nəfər dənizdə batıb.
Bu barədə "Operativ Məlumat Mərkəzi-OMM"-ə Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, FHN-in "112" qaynar telefon xəttinə Şabran rayonu, Çayqaraqaşlı kəndi yaxınlığında dənizdə (ən yaxın sularda xilasetmə məntəqəsindən təqribən 30 km aralı, nəzarətsiz ərazi) 1 nəfərin batması barədə məlumat daxil olub.
Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.
