Sabah Qubanın qaz təchizatında müvəqqəti fasilə yaranacaq.

Bu barədə "Operativ Məlumat Mərkəzi-OMM"-ə Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən bildirilib.

Məlumata görə, Quba rayonu, 2-ci Nügədi kəndi istiqamətində çəkilmiş daşıyıcı qaz xəttinin yeraltı keçən hissəsində "Təmiz Qaz" QSC tərəfindən aşkar olunmuş qaz sızmasının ləğv edilməsi məqsədilə martın 29-da saat 10:00-dan etibarən qaz təchizatı dayandırılacaq.

Təmir-bərpa işləri görülən müddətdə Quba rayonunun bir hissəsinin (18 yaşayış məntəqəsi) qaz təchizatında müvəqqəti fasilə yaranacaq.

Azərbaycanın fövqəladə hallar naziri general-polkovnik Kəmaləddin Heydərovun rəhbərliyi ilə Fövqəladə Hallar Nazirliyinin (FHN) Gəncə Regional Mərkəzində müşavirə keçirilib.

FHN-dən "Operativ Məlumat Mərkəzi-OMM"-ə bildirilib ki, nazirliyin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin rəisi Vidadi Məmmədov, FHN-in Gəncə Regional Mərkəzinin rəisi polkovnik Elnur Məhərrəmov və mərkəzin aidiyyəti vəzifəli şəxslərinin iştirak etdiyi müşavirədə Regional Mərkəzin fəaliyyəti ilə bağlı məsələlər müzakirə olunub, məruzələr dinlənilib.

Müşavirədə yekun nitqi ilə çıxış edən nazir Kəmaləddin Heydərov Gəncə Regional Mərkəzinin fəaliyyətinin daha da təkmilləşdirilməsi istiqamətində həlli zəruri məsələləri qeyd edib, müvafiq tapşırıqlar verib.

İşğaldan azad edildikdən sonra Xankəndi şəhərindəki tibb müəssisəsində 1997-ci il təvəllüdlü Səadət Namazlının ilk körpəsi dünyaya gəlib.

Bu barədə "Operativ Məlumat Mərkəzi-OMM"-ə TƏBİB-dən məlumat verilib.

Qeyd olunub ki, doğulan körpənin cinsi kişi, çəkisi 3 000 qr, boyu 49 sm-dir.

Hazırda anaya və körpəyə zəruri tibbi xidmətlərin göstərilməsi davam etdirilir, vəziyyətləri qənaətbəxşdir.

Samux rayonunda “Yaşıl dünya naminə həmrəylik ili” çərçivəsində 22 aprel “Yer Gününə”nə həsr olunmuş tədbir keçirilib.

"Operativ Məlumat Mərkəzi-OMM" xəbər verir ki, Ekologiya və Təbii Sərvətlər Nazirliyi və Samux Rayon İcra Hakimiyyətinin birgə təşkilatçılığı ilə keçirilən tədbirdə Samux Rayon İcra Hakimiyyətinin başçısı Firdovsi Əliyev, nazirliyin, İcra hakimiyyətinin nümayəndələri, ekokönüllülər və rayon gəncləri iştirak ediblər.

Tədbir iştirakçıları əvvəlcə Samux şəhəri Heydər Əliyev prospektində yeni salınmış istirahət parkında ağac əkib, daha sonra Samux rayonunun Qarayeri qəsəbəsində çaykənarı ərazidə təmizlik aksiyası keçirərək ətrafı tullantılardan təmizləyiblər.

Tədbirin keçirilməsində məqsəd ətraf mühitin mühafizəsinə diqqəti artırmaq, ictimaiyyətin belə tədbirlərdə aktiv iştirakını və dayanıqlı gələcəyi təmin etməkdən ibarətdir.

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Azərbaycan Autizm Assosiasiyasının idmançı uşaqları ilə görüşüb.

"Operativ Məlumat Mərkəzi-OMM" xəbər verir ki, bununla bağlı Leyla Əliyevanın instaqramdakı hesabında paylaşım edilib.

Fövqəladə Hallar Nazirliyinin Qarabağ Regional Mərkəzi tərəfindən Ağdam rayon Bənövşələr kənd tam orta məktəbində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi mülki müdafiə məşqi keçirilib.

"Operativ Məlumat Mərkəzi-OMM" xəbər verir ki, məşqin keçirilməsində məqsəd mülki müdafiə üzrə tədbirlər planının reallığının yoxlanılması, məktəb kollektivinə mülki müdafiə sahəsində müvafiq biliklərin və əməli vərdişlərin aşılanması olub.

Məşqin nəzəri hissəsi çərçivəsində məktəb kollektivinə mülki müdafiənin əsas prinsipləri, fovqəladə hallar və bununla bağlı davranış qaydaları barədə ətraflı məlumat verilib.

Tədbirin praktiki hissəsində baş vermiş şərti fövqəladə hadisə ilə əlaqədar məktəb kollektivinin təxliyəsi, “zərərçəkmişlərə ilkin tibbi yardımın göstərilməsi” və digər əməliyyatlar icra olunub.

Uğurla keçən məşqdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.