Mayın 13-də Tofiq Bəhramov adına Respublika stadionunda keçirilən “Sabah” “Beşiktaş” xeyriyyə matçının gəlirləri bəlli olub.
Klubdan "Operativ Məlumat Mərkəzi-OMM"-ə verilən məlumata görə, qarşılaşmanın gəlirləri 718019 AZN olub.
"Oyundan əldə edilmiş bütün gəlir ən qısa zamanda “Beşiktaş” klubu tərəfindən yaradılmış “Bırakmam seni Türkiyem” yardım kampaniyasının hesabına köçürüləcəkdir. Matçdan əldə edilən bütün gəlir qardaş Türkiyədə zəlzələdən zərər çəkmiş bölgədə məktəb tikintisi üçün xərclənəcəkdir", - deyə klubun məlumatında qeyd olunub.
Qeyd edək ki, qarşılaşma 3 : 3 hesabı ilə başa çatıb.