Futbol üzrə Azərbaycan Kubokunda 1/8 final mərhələsinə start verilib.

"Operativ Məlumat Mərkəzi-OMM" xəbər verir ki, günün ilk matçında "Sabah" "Kəpəz"lə üz-üzə gəlib.

Tovuz şəhər stadionunda reallaşan qarşılaşma paytaxt təmsilçisinin 4:3 hesablı qələbəsi ilə yekunlaşıb.

Gəncə klubunun heyətində 36-cı (pen.), 45-ci və 76-cı dəqiqələrdə Adama Niane fərqlənib. Qonaqlarda 14-cü dəqiqədə Vinsent Til, 23-cü dəqiqədə Cesse Sekidika, 39-cu dəqiqədə Emmanuel Apeh, 89-cu dəqiqədə Amin Seydiyev adını tabloya yazdırıb.

"Sabah" 1/4 finalda "Qarabağ" - MOİK cütünün qalibi ilə üz-üzə gələcək.

Qeyd edək ki, günün ikinci görüşündə "Sumqayıt" "Karvan"ı qəbul edəcək. Bu mərhələnin digər oyunları 19, 20 və 21 dekabrda gerçəkləşəcək.

"Qarabağ"ın baş məşqçisi Qurban Qurbanov Ağdam təmsilçisinə mümkün transferlərlə bağlı sualı cavablandırıb.

"Operativ Məlumat Mərkəzi-OMM" xəbər verir ki, o, deyib: 

"Vaxtımız azdır. Danışıq apardığımız futbolçulardan pozitiv cavab almamışıq. Alınmamaq ehtimalı daha çoxdur".

Qeyd edək ki, "Qarabağ" bu yay Fabian Buntiç, Musa Qurbanlı, Şahruddin Məhəmmədəliyev, Mateuş Koxalski, Emmanuel Addai, Aleksey Kaşuku transfer edib.

"Qarabağ" Leandro Andradeyə görə yeni təkliflər alıb.

"Operativ Məlumat Mərkəzi-OMM" xəbər verir ki, Rusiyadan birdən-birə iki klub yarımmüdafiəçiyə elçi düşüb.

Moskvanın iki klubu – “Dinamo” və “Lokomotiv” 24 yaşlı legionerin qapısını döyüb.

Onlar ötən mövsüm 58 matçda 15 qol və 18 məhsuldar ötürmə ilə yadda qalan kabo-verdeli ilə 3 illik müqavilə imzalamağa hazırdır.

Hazırda portuqaliya doğumlu afrikalı ilə danışıqlar ilkin mərhələdədir.

Futbol üzrə Azərbaycan Premyer Liqasının VI turunda "Qarabağ" qələbə qazanıb.

"Operativ Məlumat Mərkəzi-OMM" xəbər verir ki, "Azərsun Arena"da "Səbail"ı qəbul edən Ağdam təmsilçisi 2:1 hesablı qalibiyyətə sevinib.

"Köhlən atlar"ın heyətində 5-ci və 55-ci dəqiqələrdə fərqlənən Leandro Andrade dubl müəllifi olub. Paytaxt təmsilçisinin yeganə qoluna isə 58-ci dəqiqədə Fərid Nəbiyev imza atıb.

Qeyd edək ki, açılış matçında "Araz-Naxçıvan" "doğma divarlar" arasında "Kəpəz"ə 1:0 hesabı ilə qalib gəlib. Turun ikinci görüşündə isə "Şamaxı" "Sumqayıt"a minimal hesabla qalib gəlib.

Almaniyanın "Bavariya" klubunun yarımmüdafiəçisi Yozua Kimmix İspaniya təmsilçisi "Barselona"da çıxış etmək istəyir.

"Operativ Məlumat Mərkəzi-OMM"  "Cadena Ser" radiosuna istinadən xəbər verir ki, 2025-ci ildə müqaviləsi başa çatacaq 29 yaşlı oyunçu kataloniya təmsilçisinə azad agent kimi keçməyi planlaşdırır.

Hətta, o, Xavinin baş məşqçi olduğu dövrdə bu fikrə düşüb.

Qeyd edək ki, bu yaxınlarda Almaniya millisinin yeni kapitanı seçilən Kimmix cari mövsüm "Bavariya"nın heyətində 5 oyun keçirib və 1 qol vurub.

Futbol üzrə Azərbaycan Premyer Liqasında VI tura start verilib.

"Operativ Məlumat Mərkəzi-OMM" xəbər verir ki, ilk oyun günündə bir qarşılaşma keçirilib. Açılış matçında “Araz-Naxçıvan” “Liv Bona Dea Arena”da “Kəpəz”i qəbul edib. Görüş meydan sahiblərinin 1:0 hesablı qələbəsi ilə yekunlaşıb.

Yeganə qolu 76-cı dəqiqədə Naxçıvan təmsilçisinin heyətində Bernardo Diaş vurub.

Qeyd edək ki, turun digər oyunları sentyabrın 14-15-də keçiriləcək.