Rusiyada barıt anbarları yanıb

Rusiya Federasiyasının Sverdlovsk vilayətinin Pervomayski kəndində ümumi sahəsi 960 kvadratmetr olan iki barıt anbarı yanıb. Yanğının yaxınlıqda yerləşən üç anbar binasına keçməsinin qarşısı alınıb.

"Operativ Məlumat Mərkəzi-OMM"-in Rusiya mətbuatına istinadən verdiyi məlumata görə, bu barədə məlumat Fövqəladə Hallar Nazirliyinin regional idarəsinin teleqram kanalında yer alıb. Nazirlikdən bildirilib ki, yanğınsöndürənlər alovu ram etmək üçün bütün mümkün tədbirlərdən istifadə edirlər.