Rusiya Federasiyası Nazirlər Şurası və Tanzaniya hökuməti arasında hava əlaqəsi haqqında saziş imzalanıb.
"Operativ Məlumat Mərkəzi-OMM" xəbər verir ki, nazirliyin rəsmi Teleqram kanalının məlumatına görə, sənədin imzalanma mərasimi iyunun 19-da Rusiya Nəqliyyat Nazirliyinin binasında baş tutub.
Nazirlikdən bildirilib ki, sənədi Rusiya Federasiyası nəqliyyat nazirinin müavini Vladimir Poteşnik və Tanzaniyanın bu ölkədəki fövqəladə səfiri Fredrik İbrahim Kibuta imzalayıblar.
Moskva və Dodoma iki dövlət arasında uçuşların təhlükəsizliyini təmin etmək, eləcə də Beynəlxalq Mülki Aviasiya Təşkilatının (ICAO) standartlarına uyğun qarşılıqlı fəaliyyət göstərmək üzrə əməkdaşlıq haqqında razılığa gəliblər.
Bundan əlavə, tərəflər bir-birinin daşıyıcıları ilə bağlı milli qanunvericiliyi qarşılıqlı surətdə həyata keçirməyi öhdələrinə götürüblər.
Sənəddə həmçinin hava limanı vergilərinin yığılması və daşıyıcı tariflərinin tənzimlənməsi ilə bağlı müddəalar öz əksini tapıb.
