Rusiya Qəzza zolağında axan qanı dayandırmağı və humanitar problemlərin həllini bir nömrəli prioritet kimi görür.
"Operativ Məlumat Mərkəzi-OMM" xəbər verir ki, bu barədə Rusiya-Ərəb Əməkdaşlıq Forumunun Baş Assambleyasında çıxışı zamanı Rusiyanın xarici işlər naziri Sergey Lavrov bildirib.
"Qətiyyətlə pislədiyimiz 7 oktyabr terror aktından sonra dünyanın bu hissəsində ən qədim həssas nöqtə olan Fələstin-İsrail münaqişəsi zonasında vəziyyət kəskin şəkildə pisləşdi. Gündəlik hücumlar görünməmiş və həqiqətən fəlakətlidir. Ölənlərin və yaralananların sayı on minlərlədir. Onların əksəriyyəti Qəzza zolağında mülki şəxslər, xüsusilə də uşaqlar və qadınlardır",- deyə Lavrov qeyd edib.
Lavrov bildirib ki, İsrailin tətbiq etdiyi blokadanın nəticələri bölgədəki insanların əzabını daha da artırır.
