Afət Ziyadqızı
Rusiyanın xarici işlər naziri Serqey Lavrov hindistanlı həmkarı Subrahmanyam Caishankar ilə görüşündən sonra keçirdiyi mətbuat konfransında Rusiyanın “Make in India” proqramı çərçivəsində müdafiə materiallarının istehsalına başlamağa hazır olduğunu bildirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Biz "Make in India" proqramının bir hissəsi olaraq hərbi məqsədlər üçün malların istehsalı təşəbbüsünü başa düşürük və dəstəkləməyə hazırıq. Bu istiqamətdə əməkdaşlığa hazırıq".
Lavrovun sözlərinə görə, iki baş diplomat “müasir silahların birgə istehsalı da daxil olmaqla, hərbi-texniki əməkdaşlığın perspektivlərini” müzakirə ediblər.
"Bizim burada qarşılıqlı fəaliyyətimiz strateji xarakter daşıyır və onun genişləndirilməsi ölkələrimizin milli maraqlarına, eləcə də Avrasiya qitəsində təhlükəsizliyin qorunması maraqlarına uyğundur", - deyə Lavrov deyib.
