Rusiya Fələstinin BMT-yə daxil olmasının tərəfdarıdır, onun suverenliyini artıq 150-yə yaxın dövlət tanıyıb.
"Operativ Məlumat Mərkəzi-OMM" TASS-a istinadən xəbər verir ki, bunu Rusiyanın xarici işlər naziri Sergey Lavrov Yaxın Şərqdəki vəziyyətlə bağlı iclasda çıxış edərkən bildirib.
"İsrailin BMT-yə qəbul edilməsinə səs verdiyimiz zaman bu, açıq şəkildə razılaşdırıldı. Bu gün də suverenliyi 150-yə yaxın ölkə tərəfindən tanınan Fələstinin ümumdünya təşkilatının sıralarına daxil olmasını dəstəkləyirik", - deyə nazir bildirib.
Lavrov qeyd edib ki, Rusiya Fələstin-İsrail münaqişəsinin, eləcə də bütövlükdə Yaxın Şərq münaqişəsinin həlli üçün müxtəlif beynəlxalq formatlar çərçivəsində beynəlxalq hüquq normalarına əsaslanan mövqeyi müdafiə edir.
