Rusiya Silahlı Qüvvələri Ukraynanın Donetsk vilayətinin Yasynuvata rayonunun Pervomayske kəndinə nəzarəti ələ keçirib.

"Operativ Məlumat Mərkəzi-OMM" xəbər verir ki, bu barədə region rəhbərliyinin müşaviri Yan Qagin “RİA Novosti”yə açıqlayıb.

Ərazinin geolokasiyasına əsasən, video Pervomayskenin qərb ucqarında çəkilib. Çəkilişin nə vaxt aparıldığı aydın deyil.

Ukrayna Müdafiə Nazirliyinə yaxın OSINT-layihə olan “Deep State” teleqram kanalı Rusiya hərbçilərinin Pervomayskenin qərb kənarını ələ keçirərək kəndi tamamilə işğal etdiyini təsdiqləyib.

Rusiya Müdafiə Nazirliyi və Ukrayna Silahlı Qüvvələrinin Baş Qərargahı kəndin ələ keçirilməsi ilə bağlı məlumatı şərh etməyiblər.

Qeyd edək ki, Pervomayske fevral ayında Rusiya qoşunlarının ələ keçirdiyi Avdiivkadan 10 kilometr cənub-qərbdə yerləşir. Savaşdan qabaq iki mindən çox insanın yaşadığı kənd uğrunda döyüşlər 2022-ci ilin avqust ayından davam edirdi.

İranın Şərqi Azərbaycan əyalətinin mərkəzi Təbrizin yay parkındakı kanalizasiya xəttində baş verən partlayış nəticəsində 4 nəfər yaralanıb.

"Operativ Məlumat Mərkəzi-OMM" İRNA-ya istinadən xəbər verir ki, bu barədə fövqəladə hallar qurumunun ictimaiyyətlə əlaqələr üzrə rəsmisi Vahid Şadiniya bildirib.

Məlumata görə, yaralılar Təbrizdəki İmam Rza xəstəxanasına yerləşdirilib.

Şərqi Azərbaycan əyaləti Fövqəlada Hallar İdarəsi mətbuat xidmətinin məlumatına əsasən, Bostanabad rayonunun İranak kəndində təbii qaz balonunun partlaması nəticəsində isə 6 nəfər yaralanıb. Onlar hospitala yerləşdirilib.

Türkiyənin aparıcı seysmoloqu Naci Gerur İstanbulda 7,6 bal gücündə zəlzələnin baş verə biləcəyini deyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Kahramanmaraş zəlzələsi üçün qışqırdıq, qışqırdıq, amma heç kim qulaq asmadı. Biz indi tarixin təkrarlanmasından qorxuruq, yenə eyni şeyi deyirik. Bir gün hər şey bitəcək. Bu böyüklüyündə zəlzələnin Türkiyənin mədəniyyət paytaxtında ən az 90 min binanın dağılmasına səbəb olacağı gözlənilir”, - deyə ekspert bildirib.

İranın xarici işlər naziri Hüseyn Əmir Abdullahian Hörmüz boğazında saxlanılan “MSC Aries” gəmisinin ekipajının sərbəst buraxılacağını bildirib.

"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.

Türkiyə Prezidenti Rəcəb Tayyib Ərdoğan Niderland Baş naziri Mark Rutte ilə görüşüb.

"Operativ Məlumat Mərkəzi-OMM" xəbər verir ki, bu barədə Türkiyə Prezidentinin Ofisi məlumat yayıb.

Görüş Niderland Baş nazirinin Türkiyəyə səfəri çərçivəsində baş tutub.

Niderland mətbuatı bildirir ki, bu səfərin məqsədi həm də Ruttenin NATO-nun növbəti Baş katibi olmaq üçün Türkiyənin dəstəyini qazanmağa çalışması ilə bağlıdır.

Qeyd edək ki, Niderland Baş naziri bu ilin oktyabrında səlahiyyət müddəti bitəcək hazırkı NATO Baş katibi Yens Stoltenberqin postuna əsas namizəddir. Onun namizədliyinə artıq ABŞ, Almaniya, Böyük Britaniya kimi ölkələr öz dəstəyini ifadə edib.

Türkiyənin İstanbul şəhərində terror aktı törətməkdə ittiham olunan Suriya vətəndaşı Əhlam Əlbaşıra 1794 illik həbs cəzası verilib.

"Operativ Məlumat Mərkəzi-OMM" xəbər verir ki, bu barədə “TRT Haber” məlumat yayıb.

Onun PKK terror təşkilatının sifarişi ilə terror aktını törətdiyi bildirilib.

Qeyd edək ki, 2022-ci ilin noyabr ayında Taksim meydanında törədilmiş terror aktı nəticəsində 6 nəfər həlak olub, 99 nəfər yaralanıb.