Rusiya prezidenti Vladimir Putin Belarusla hərbi kadrların birgə hazırlanması üçün döyüş hazırlığı mərkəzlərinin yaradılması və fəaliyyəti haqqında sazişin təsdiq edilməsi haqqında qanun imzalayıb.
"Operativ Məlumat Mərkəzi-OMM" xəbər verir ki, saziş 2023-cü il martın 28-də Minskdə imzalanıb.
Sənədə əsasən, bu cür mərkəzlər iki ölkənin müdafiə nazirliklərinin birgə qərarları əsasında açılacaq, onların fəaliyyət dairəsi, tərkibi, strukturu, sayı, yerləşdiyi yer, formalaşma şəraiti və yaradılma qaydası müəyyən ediləcək.
Tərəflərin səlahiyyətli orqanları tərəfindən fərqli qərar qəbul edilmədikdə, hərbi hissələrin şəxsi heyəti döyüş hazırlığı mərkəzinin fəaliyyət dairəsinə daxil olan müştərək tapşırıqların yerinə yetirilməsi zamanı milli silahlı qüvvələrdə müəyyən edilmiş geyim formasını və fərqlənmə nişanlarını geyəcək.
