OMM Redaksiyası
“Barselona”nın yarımmüdafiəçisi Rodri komandanın hücum xəttində Erlinq Holannı görmək istəyir.
"Operativ Məlumat Mərkəzi-OMM" xəbər verir ki, bu barədə “El Nacional” məlumat yayıb.
Rodri norveçli futbolçunu “Mançester Siti”dəki birgə fəaliyyətindən tanıyır və onun Hans-Diter Flikin rəhbərlik etdiyi komandaya uyğunlaşa biləcəyini düşünür.
İspaniyalı yarımmüdafiəçi klubun transfer imkanları yaranacağı təqdirdə Holannın nümayəndələri ilə görüşməsini istəyir.
Holannın transfer ehtimalı
Nəşrin məlumatına görə, “Mançester Siti”nin maliyyə qaydalarının pozulması ilə bağlı işi norveçli hücumçunun gələcəyi ilə bağlı suallar yarada bilər.
Klub çoxsaylı pozuntularda təqsirli bilinsə də, araşdırma yekunlaşmayıb və “şəhərlilər” apellyasiya müraciəti etməyə hazırlaşır.
Rodrinin fikrincə, mərkəz müdafiəçilərini daim özünə cəlb edən hücumçunun komandaya qoşulması Pedri və Lamin Yamal üçün də faydalı ola bilər.
Rafinhanın mövqeyi dəyişə bilər
Holannın transferi baş tutacağı halda, Rafinhanın cinah hücumçusu mövqeyinə qayıtması gözlənilir. Braziliyalı futbolçu 2026/27 mövsümünün əvvəlindən “Barselona”da hücumun mərkəzində çıxış edir.
