Hazırda Ermənistanın bölgüsü gedir və bu faktiki bölgü hələki Rusiyanın son həmləsi olmadan baş verir.
Bu fikirləri "Operativ Məlumat Mərkəzi-OMM"-ə müsahibəsində politoloq Əziz Əlibəyli bildirib.
Fikrimcə, Ermənistan tərəfinin Rusiyadan gələn son mesajlar kontekstində KTMT-dən (Kollektiv Təhlükəsizlik Müqaviləsinin Təşkilatı) hələki çıxmamaqla bağlı mesajlar verməsi bir az mövqeyini radikallıqdan, mötədilliyə doğru çəkməsini müşahidə edirik.
Vəziyyət də budur ki, Ukrayna Rusiya üçün ciddi baş ağrısıdır. Burada Rusiyanın başının qarışması Ermənistanın antirusiya cəbhəsinə keçməsinə şərait yaradan əsas faktordur. Ancaq bu, Ermənistan üçün çox böyük ölçüdə itkilərlə müşayiət olunacaq son qarşıdurmaya gətirə bilər. Hər-halda Rusiyadan böyük bir revanş gözlənilir və bu revanş da məncə Paşinyan üçün qanuni bitəcək.
Aminə Nəzərova
