Qəzza zolağındakı qaçqın düşərgələrində ən azı 360 min yoluxucu xəstəlik qeydə alınıb.
"Operativ Məlumat Mərkəzi-OMM" xəbər verir ki, bu barədə Fələstin Səhiyyə Nazirliyi məlumat yayıb.
Birləşmiş Millətlər Təşkilatının Humanitar Məsələlərin Koordinasiyası İdarəsi, Ümumdünya Səhiyyə Təşkilatının qaçqınlar arasında meningit, suçiçəyi, sarılıq və yuxarı tənəffüs yollarının infeksiyası hallarını qeydə aldığını bildirib.
Qəzza zolağındakı 36 xəstəxanadan yalnız 11-i xəstələri məhdud şəkildə qəbul etməyə davam edir və Fələstin ərazisinin şimal hissəsində yalnız bir tibb müəssisəsi fəaliyyət göstərir.
