Rusiya Prezidenti Vladimir Putin Ermənistanın baş naziri Nikol Paşinyanı Kazanda keçiriləcək BRICS sammitinə dəvət edib.

"Operativ Məlumat Mərkəzi-OMM" xəbər verir ki, bu barədə Rusiya KİV-i məlumat yayıb.

Rusiya sərhədçiləri Ermənistanın İranla sərhədində xidmətlərini dayandırır.

"Operativ Məlumat Mərkəzi-OMM" xəbər verir ki, bu barədə “Sputnik Armenia” məlumat yayıb.

Bildirilib ki, Rusiya sərhədçiləri 2025-ci il yanvarın 1-dən etibarən Ermənistan-İran sərhədində xidməti dayandıracaq.

Həmçinin Ermənistan Milli Təhlükəsizlik Xidmətinin (MTX) sərhədçiləri Ermənistanın Türkiyə ilə sərhədinin qorunmasını rusiyalı həmkarları ilə birgə təmin edəcəklər.

İranda son iki gündə 30 nəfər barəsində çıxarılan edam hökmü icra olunub.

"Operativ Məlumat Mərkəzi-OMM" xəbər verib ki, məlumatı “ir.voanews.com” yayıb.

Məlumata görə, “Edamsız çərşənbə axşamı” kampaniyasının 37-ci həftəsində İranın 22 həbsxanasında aclıq aksiyası keçirilir.

İnformasiyaya əsasən, aclıq aksiyası aşağıdakı həbsxanalarda keçirilib: Evin (qadınlar bölməsi və 4 və 8-ci bölmələr), Qızılhisar (3 və 4-cü məhəllə), Kərəc, Tehran, Xürrəmabad, Ərak, Əsədabad, İsfahan, Nizam Şiraz, Bəm, Məşhəd, Ləkən Rəşt (qadın və kişi həbsxanası), Qaimşəhr, Ərdəbil, Təbriz, Urmiya, Səlmas, Xoy, Nəğədə, Saqqız, Bane, Mərivan və Kamiyaran.

Bildirilib ki, oktyabrın 2-si və 3-ündə müxtəlif həbsxanalarda üçü qadın olmaqla azı 30 nəfər edam olunub. Barəsində ölüm hökmü çıxarılmış Mahmud Dehmərde adlı məhbus Zabul həbsxanasında ürək tutmasından ölüb.

İran təqvimi ilə bu ilin 6 ayı ərzində (aprel-sentyabr) İranda 450-yə yaxın məhbus edam edilib.

Türkiyədə terror aktı törətməyə hazırlaşan şəxs öldürülüb.

"Operativ Məlumat Mərkəzi-OMM" “Haber Global”a istinadən xəbər verir ki, bu barədə Türkiyənin Milli Kəşfiyyat İdarəsindən (MİT) bildirilib.

Qeyd olunub ki, Türkiyədə kamikedze olmağa hazırlaşan PKK/YPJ üzvü Hezal Belge Suriyada keçirilən əməliyyat nəticəsində öldürülüb.

“Jinda Gundikramo” kod adlı terrorçu PKK-nın rəhbər şəxslərindən biri idi. O, 2004-cü ildə təşkilata qoşulub. 2019-cu ildən isə təşkilatın rəhbərliyində təmsil olunurdu.

Ermənistan hökuməti Azərbaycanla sərhədlərin delimitasiyası üzrə komissiyaların birgə fəaliyyəti haqqında əsasnaməni (reqlament) ratifikasiya üçün parlamentə göndərib.

"Operativ Məlumat Mərkəzi-OMM" xəbər verir ki, bu barədə Ermənistan KİV-ləri məlumat yayıb.

Sənədin müzakirəsinin parlamentin gündəliyinə nə vaxt daxil ediləcəyi hələlik məlum deyil.

Şimali Kipr Türk Cümhuriyyətinin (ŞKTC) Prezidenti Ersin Tatar Türkiyədə səfərdədir.

"Operativ Məlumat Mərkəzi-OMM" xəbər verir ki, o, ölkənin vitse-prezidenti Cevdet Yılmazla görüşəcək.

E.Tatar Türkiyənin Ankara, Samsun və Trabzon şəhərlərində olacaq, bir sıra tədbirlərdə iştirak edəcək.

ŞKTC Prezidenti, həmçinin bəzi universitetlərdə çıxış edəcək.