Ermənistan və Azərbaycan arasında sərhədlərin demarkasiyası və delimitasiyası prosesi sülh müqaviləsinə aparan düzgün yoldur.
"Operativ Məlumat Mərkəzi-OMM" xəbər verir ki, bunu Rusiya prezidenti Vladimir Putin deyib.
“Qeyd etmək çox xoşdur ki, sərhədlərin demarkasiyası, delimitasiyası prosesi başlayıb, bu, həqiqətən də sülh müqaviləsinə aparan düzgün yoldur”, - deyə o, Ermənistanın baş naziri Nikol Paşinyanın çıxışından sonra bildirib.
Paşinyan çıxışı zamanı bildirib ki, Ermənistan və Azərbaycan komissiyaların əsasnaməsini ratifikasiya etdikdən sonra sərhədlərin delimitasiyası prosesini intensivləşdirə biləcəklər.
Rusiya lideri Ermənistanın Azərbaycanla logistika layihələri hazırlamağa hazır olduğunu da müsbət qiymətləndirib.
