Putin gələcəkdə Ukraynanın NATO üzvlüyünə də qarşı çıxacaqlarını bildirib

Rusiya prezidenti Vladimir Putin Ukraynanın 15 ildən sonra da NATO-ya qəbul edilməsinin qəbuledilməz olacağını və Ukrayna ilə bağlı məqsədlərindən əl çəkməyəcəklərini bildirib.

"Operativ Məlumat Mərkəzi-OMM" xəbər verir ki, bu barədə Vladimir Putin Moskvada Müdafiə Nazirliyinin yüksək vəzifəli şəxslərinin geniş tərkibdə iclası zamanı qeyd edib.

Putin çıxışında Qərbin Rusiyaya qarşı hibrid yanaşmasını dilə gətirib.

"Son zamanlar NATO-nun fəaliyyəti artıb. ABŞ-dan sərhədlərimizə ciddi qüvvələr, o cümlədən təyyarələr göndərilib. Şərqi və Mərkəzi Avropada NATO qoşunlarının sayı artıb. Finlandiya NATO-ya daxil edilib və İsveçin də daxil olması planlaşdırılır. Bu, ittifaqın sərhədlərimizə yaxınlaşması deməkdir", - deyə qeyd edib.