ABŞ Prezidenti Donald Tramp bu gün Cenevrədə baş tutacaq İranla nüvə danışıqlarında “dolayı yolla” iştirak edəcəyini açıqlayıb.
"Operativ Məlumat Mərkəzi-OMM" xəbər verir ki, bu barədə ölkə başçısı jurnalistlərə verdiyi açıqlamada bildirib.
“Mən bu danışıqlarda dolayı yolla iştirak edəcəyəm və bu, çox vacib olacaq. Ümid edirəm ki, Tehran ötən il ABŞ-ın ölkəyə endirdiyi zərbələri və sərt mövqeyinin mümkün nəticələrini nəzərə alaraq Vaşinqtonla razılaşma əldə etmək istəyir”, - deyə o qeyd edib.
Tramp əlavə edib ki, İran çətin danışıqlar aparan tərəfdir:
“Onlar razılaşma bağlamaq istəyirlər. Düşünmürəm ki, razılaşmadan imtinanın nəticələri ilə üzləşmək istəsinlər. Ümid edirəm ki, onlar daha rasional davranacaqlar”, – deyə ABŞ prezidenti vurğulayıb.
Xatırladaq ki, fevralın 6-da Omanda İran-ABŞ danışıqlarının ilk raundu keçirilib. Prosesin növbəti raundu isə bu gün Cenevrədə baş tutacaq.
