Almaniyanın Xristian-Demokrat İttifaqında (XDU) partiya lideri Fridrix Merzin gələcəyi ilə bağlı ciddi müzakirələr başlayıb.
“Operativ Məlumat Mərkəzi-OMM” xəbər verir ki, bu barədə xarici KİV məlumat yayıb.
Məlumata görə, sentyabrın 6-da Saksoniya-Anhalt federal torpağında keçiriləcək seçkilərdə XDU-nun uğursuz nəticə göstərməsi Mertsin istefası ilə bağlı çağırışları gücləndirə bilər.
XDU-nun Saksoniya-Anhalt bölməsinin üzvü Yulian Şaxenin sözlərinə görə, bəzi partiya üzvləri seçkilərdən sonra Mertsin vəzifədən getməsi üçün təzyiq göstərməyə hazırlaşırlar. O, bununla belə, belə bir addımın partiyanın mövcud problemlərini həll edib-etməyəcəyinin bəlli olmadığını bildirib.
Analitiklər hesab edirlər ki, XDU-nun regional seçkilərdə mümkün məğlubiyyəti partiya daxilindəki narazılığı daha da artıracaq. Mertsin 16 aylıq fəaliyyəti dövründə reytinqinin ciddi şəkildə aşağı düşdüyü qeyd olunur.
Bavariya parlamentində AfD fraksiyasının rəhbəri Ulrix Zinger də Merzin regional seçkilərdən sonra siyasi təzyiqlərlə üzləşə biləcəyini və XDU-nun ölkədəki hakim mövqeyini itirməkdən narahat olduğunu iddia edib.
