Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Giorgi Meşvildişvili bürünc medal uğrunda mübarizə aparıb.
"Operativ Məlumat Mərkəzi-OMM" xəbər verir ki, 125 kq çəki dərəcəsində yer alan idmançı Polşa təmsilçisi Robert Baranla üz-üzə gəlib.
Görüş təmsilçimizin 9:3 qələbəsi ilə yekunlaşıb. Bununla da G.Meşvildişvili ölkəmizin aktivinə növbəti bürünc medalı yazdırıb.
***
Azərbaycanın sərbəst güləşçisi Giorgi Meşvildişvili Fransanın paytaxtı Parisdə təşkil olunan Yay Olimpiya Oyunlarında növbəti görüşünə çıxıb.
"Operativ Məlumat Mərkəzi-OMM"-in məlumatına görə, 125 kq çəki dərəcəsində yer alan idmançı yarımfinalda Geno Petriaşvili (Gürcüstan) ilə qarşılaşıb.
Təmsilçimiz bu görüşdə rəqibinə 0:7 hesabı ilə məğlub olub. Meşvildişvili sabah bürünc medal uğrunda yarışacaq.
***
Paris Yay Olimpiya Oyunlarında sərbəst güləşçilərimizin çıxışları davam edir.
"Operativ Məlumat Mərkəzi-OMM" xəbər verir ki, 125 kq çəki dərəcəsində mübarizə aparan pəhləvanımız 1/4 finala vəsiqə qazanıb.
Onun rəqibi monqolustanlı Muxtur Lxaqvaqerel olub. Rəqibinə 12:2 hesabı ilə qalib gələn pəhləvanımız yarımfinala vəsiqə qazanıb.
***
Azərbaycanın sərbəst güləşçisi Giorgi Meşvildişvili Fransanın paytaxtı Parisdə təşkil olunan Yay Olimpiya Oyunlarında mübarizəyə start verib.
"Operativ Məlumat Mərkəzi-OMM" xəbər verir ki, 125 kq çəki dərəcəsində yer alan idmançı 1/8 final mərhələsində misirli Diaeldin Abdelmottaleblə üz-üzə gəlib.
Rəqibinə qalib gələn Meşvildişvili (4:0) 1/4 finala vəsiqə qazanıb. O, növbəti raundda Lxaqvaqerel Munxtur (Monqolustan) ilə görüşəcək.