"Çelsi" hücumçu Viktor Osimhenin transferi üçün "Napoli"yə rəsmi təklif göndərib.
"Operativ Məlumat Mərkəzi-OMM" xəbər verir ki, bu barədə insayder Canluka Di Marzio məlumat yayıb.
Jurnalistin sözlərinə görə, tərəflər yaxın vaxtlarda danışıqlara başlayacaq.
Bundan əvvəl mətbuatda Osimhenin karyerasını PSJ və ya Səudiyyə Ərəbistanı çempionatında davam etdirə biləcəyi barədə məlumatlar yayılmışdı.
Futbolçu özü İtaliya klubundan başqa komandaya keçməyi xahiş edib.
25 yaşlı nigeriyalı 2020-ci ildən "Napoli"də çıxış edir. O, komandanın heyətində 133 oyun keçirib, 76 qol vurub və 18 məhsuldar ötürmə edib.
