"Nyukasl Yunayted" yarımmüdafiəçi Sandro Tonalinin qeyri-qanuni mərc oynadığı üçün 10 ay müddətinə futboldan uzaqlaşdırılmasından sonra onun maaşını azaltmağı düşünür.
"Operativ Məlumat Mərkəzi-OMM" xəbər verir ki, bu barədə "Daily Telegraph" məlumat yayıb.
Mənbənin sözlərinə görə, futbolçunun maaşının kəsilməsi ilə bağlı klub daxilində hüquqşünaslarla artıq müzakirələr başlayıb. Eyni zamanda, klub rəhbərliyi Sandro ilə bağlı növbəti addım barədə hələ qərar verməyib.
23 yaşlı italyan klubda ən çox məvacib alan futbolçulardan biridir.
Xatırladaq ki, oktyabrın 26-da İtaliya Futbol Federasiyasının Sandro Tonalini mərc oynadığı üçün 10 ay müddətinə diskvalifikasiya etdiyi məlum olub.
