Bu gün Bakının Nəsimi rayonunun bəzi ərazilərində elektrik enerjisinin verilişində fasilə yaranacaq.
Bu barədə "Operativ Məlumat Mərkəzi-OMM"-ə "Azərişıq" ASC-dən məlumat verilib.
Qeyd olunub ki, Nəsimi Rayon Enerji Təchizatı və Satışı İdarəsinin (RETSİ) xidməti ərazisində təmir işləri aparılacaq. Bu səbəbdən saat 12:30-dan 14:30-dək Mirəli Qaşqay – Feyzulla Qasımov, Mirəli Qaşqay – Abbas Səhhət və Abbas Səhhət – Ceyhun Hacıbəyli küçələrinin kəsişməsindəki ərazilərdə enerji təchizatı dayandırılacaq.
Təmir işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.
