“Neftçi”nin iki futbolçusu Azərbaycan Premyer Liqasının XXVIII turunda “Qəbələ” ilə səfər matçını buraxacaq.
Klubdan "Operativ Məlumat Mərkəzi-OMM"-ə verilən məlumata görə, bərpa prosesini davam etdirən qapıçı Emil Balayevlə yanaşı, əzələ gərilməsi diaqnozu ilə müalicə keçən Mark Tamaş “qırmızı-qaralar”a qarşı oynaya bilməyəcək.
Qeyd edək ki, martın 29-da Qəbələ şəhər stadionunda keçiriləcək görüş saat 16:30-da başlayacaq.
