Myanmanın qərbindəki etnik qiyamçılar Hindistana gedən əsas yollardan birində yerləşən mühüm şəhəri hərbi qüvvələrdən ələ keçirdiklərini bildiriblər.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Oktyabr ayında orduya qarşı böyük yeni hücuma başlayan üç silahlı qrupdan biri olan Arakan Ordusu (AA) Çin əyalətindəki Paletvaya nəzarəti ələ keçirdiyini bildirib.
"Bütün Paletva ərazisində bir dənə də olsun hərbi şura düşərgəsi qalmayıb", - deyə qrup öz "Telegram" kanalında bildirib.
Myanma ordusu sözügedən hadisə ilə bağlı heç bir açıqlama verməyib.
