“Sabah”ın baş məşqçisi Murad Musayev Azərbaycan Premyer Liqasının 26-cı turu çərçivəsində “Sumqayıt”a qarşı keçirdikləri oyunu (4:0) şərh edib.
"Operativ Məlumat Mərkəzi - OMM" xəbər verir ki, o, matçdan sonra keçirilən mətbuat konfransında bunları deyib:
“Oyunun məzmunu xoşuma gəldi. Baxmayaraq ki, sona qədər gərginlik vardı. Çox məmnunam ki, bu cür çətin oyunda qələbə qazandıq. Mənim rəqibə çox böyük hörmətim var. Onların yaxşı qol imkanları var idi. Təmiz və səliqəli şəkildə oynadılar.
Samir Abasovla oyundan öncə hakimlər haqda danışırdıq. İstəyirsinizsə, bu barədə sizə deyim. “Şamaxı” ilə oyunda penalti epizodumuz sayılmamışdı. Bu, hamımıza təsir etdi. Mənə kart göstərilmişdi. Gəncədə olan oyunda da eyni hal baş vermişdi. Hakimlər səhv edir, amma onlar cəzalandırılmır. Bu məqam nə qədər pis olsa da, davam edir.
“Sumqayıt” bu gün çox yaxşı oynayırdı. Hakim matçın tempini yüksəldə də bilər, aşağı da sala bilər”.
