Ermənistanın xarici işlər naziri Ararat Mirzoyan və ABŞ dövlət katibi Entoni Blinken Cənubi Qafqazda təhlükəsizlik və sabitlik məsələlərini, həmçinin İrəvanla Bakı arasında münasibətlərin nizamlanması prosesi ətrafında baş verən hadisələri müzakirə ediblər.
"Operativ Məlumat Mərkəzi-OMM" Ermənistan XİN-in mətbuat xidmətinə istinadən xəbər verir ki, görüş ATƏT-in Skopyedə keçirilən 30-cu sessiyası çərçivəsində baş tutub.
Tərəflər regional proqramları da müzakirə ediblər və bu kontekstdə Ermənistan XİN başçısı rəsmi İrəvanın hazırladığı "dünyanın kəsişməsi" layihəsinə istinad edərək, onun regionda sabitlik üçün üstünlüklərini vurğulayıb.
Mirzoyan və Blinken Ermənistan-Amerika gündəliyinin məsələlərinə də baxıblar. İkitərəfli və çoxtərəfli formatda əməkdaşlığın genişləndirilməsi perspektivləri ətrafında fikir mübadiləsi aparılıb.
