Azərbaycan Respublikası Milli Məclisinin Hesablayıcı və İntizam komissiyaları yeni tərkibdə formalaşdırılıb. Bununla bağlı qərar layihələri parlamentin bu gün keçirilən plenar iclasında müzakirə olunub.
“Operativ Məlumat Mərkəzi-OMM”-in xəbərinə görə, təqdim edilən məlumata əsasən, Hesablayıcı komissiyasının yeni tərkibinə deputatlar Eldar Quliyev, Mixail Zabelin, Sevinc Hüseynova, Naqif Həmzəyev, Rövşən Muradov, Soltan Məmmədov və Səbinə Salmanova daxil edilib.
Plenar iclasda bildirilib ki, İntizam komissiyası isə Eldar İbrahimov, Asim Mollazadə, Kamal Cəfərov, Afət Həsənova, Məlahət İbrahimqızı, Kəmaləddin Qafarov, Səttar Möhbaliyev, Nəsib Məhəməliyev, Hikmət Məmmədov, Məşhur Məmmədov və Nizami Səfərovdan ibarət tərkibdə fəaliyyət göstərəcək.
Müzakirələrin yekununda hər iki komissiyanın formalaşdırılması ilə bağlı qərar layihələri səsverməyə çıxarılaraq bir oxunuşda qəbul edilib.
