Milli Məclisin yaz sessiyası çərçivəsində ilk plenar iclas fevralın 2-nə təyin edilib. İclasda ümumilikdə 16 məsələ müzakirəyə çıxarılacaq.
"Operativ Məlumat Mərkəzi-OMM"-in məlumatına görə, gündəliyə konstitusiya qanunları, beynəlxalq sazişlər, eləcə də bir sıra mühüm qanun layihələri daxil edilib.
Plenar iclasda müzakirə olunacaq məsələlər aşağıdakılardır:
“Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında” Konstitusiya Qanunu – ikinci səsvermə
“Normativ hüquqi aktlar haqqında” Konstitusiya Qanununa dəyişikliklər – ikinci səsvermə
Milli Məclisin 2026-cı il yaz sessiyası üzrə qanunvericilik işlər planı
Milli Məclisin Hesablayıcı komissiyasının yaradılması
Milli Məclisin İntizam komissiyasının formalaşdırılması
İctimai Televiziya və Radio Yayımları Şirkətinin Yayım Şurası üzvlərinin seçilməsi
Azərbaycan Respublikası ilə İordaniya Haşimilər Krallığı arasında gömrük sahəsində əməkdaşlıq və qarşılıqlı yardım haqqında sazişin təsdiqi
Beynəlxalq Əmək Təşkilatının əməyin təhlükəsizliyi və gigiyenasına dair 187 nömrəli Konvensiyasının ratifikasiyası
Sahibkarlıq sahəsində aparılan yoxlamaların dayandırılması haqqında qanuna dəyişikliklər
Əmək Məcəlləsində dəyişiklik edilməsi barədə qanun layihəsi
Vergi Məcəlləsi, “Banklar haqqında” və “Gömrük tarifi haqqında” qanunlara dəyişikliklər – birinci oxunuş
“Əhalinin sağlamlığının qorunması haqqında” və “Onkoloji yardım haqqında” qanunlara dəyişikliklər – birinci oxunuş
Gömrük Məcəlləsi, İnzibati Xətalar Məcəlləsi və “Qiymətli metallar və qiymətli daşlar haqqında” qanunda dəyişikliklər – birinci oxunuş
“Büdcə sistemi haqqında”, “Mühasibat uçotu haqqında” və “Dövlət satınalmaları haqqında” qanunlara dəyişikliklər – birinci oxunuş
“Patent haqqında” qanuna dəyişikliklər – ikinci oxunuş
Mülki dövriyyədən çıxarılmış əşyaların siyahısı ilə bağlı qanuna dəyişikliklər – ikinci oxunuş
Plenar iclasda müzakirəyə çıxarılacaq məsələlərin bir hissəsi ölkənin hüquqi bazasının təkmilləşdirilməsi, iqtisadi və sosial sahələrdə islahatların davam etdirilməsi məqsədi daşıyır.
