“Milan” “Atalanta”nı 3:2 hesabı ilə məğlub etdi

İtaliya A Seriyasının 2026/2027 mövsümünün 7-ci turunda “Milan” “San-Siro” stadionunda “Atalanta”nı qəbul edib. Daniele Kiffi (Padua) idarə etdiyi görüşdə meydan sahibləri 3:2 hesabı ilə qalib gəlib.

13-cü dəqiqədə Kristian Pulişiçin qolu ofsayd səbəbindən qeydə alınmayıb. 25-ci dəqiqədə rəqibin əllə oyunundan sonra təyin olunan penaltini Qonsalu Ramuş qola çevirib. Adrien Rabyo 43-cü dəqiqədə fərqi artırıb.

57-ci dəqiqədə “Milan” ikinci penalti zərbəsini qazanıb, lakin Ramuş bu dəfə fürsəti qaçırıb. Həmin dəqiqədə Mario Xila künc zərbəsindən sonra başla topu qapıya göndərib. Canluka Qaetano 66-cı dəqiqədə “Atalanta”nın ilk qolunu vurub, Nikola Krstoviç isə 81-ci dəqiqədə hesab arasındakı fərqi minimuma endirib.

“Milan” yeddi oyundan 15 xalla turnir cədvəlinin dördüncü pilləsindədir. Doqquz xalı olan “Atalanta” 10-cu yerdə qərarlaşıb.