1 may tarixində növbəti "Met gala" keçirilib.
"Operativ Məlumat Mərkəzi-OMM" xəbər verir ki, məşhurlar "Karlın şərəfinə" konsepti ilə tədbirə qatılıb.
Qırmızı xalıda öz tərzlərini nümayiş etdirən dünya ulduzları üslubları ilə göz qamaşdırmağı bacarıb.
"Cosmopolitan" ənənəvi olaraq gecənin ən parlaq ulduzunu seçib. Belə ki, bu ada ağ libası və qara yaxa detalı ilə Dua Lipa layiq görülüb.
Ən çox yadda qalan məşhurlardan biri də Doja Cat olub. Sənətçi ilk dəfə qatıldığı "Met gala"-ya işıltılı pişik obrazı ilə damğa vurmağı bacarıb. Müğənninin reper Cardi B ilə görüntüləri izləyicilər tərəfindən sevgi ilə qarşılanıb.
Rihanna və Asap Rocky cütlüyü də diqqəti üzərinə çəkməyi bacarıb. Rihanna həmişə olduğu kimi öz fərqliliyini qoruyub. Üzəri ağ güllərlə bəzədilmiş qabarıq libası ilə diqqəti üzərinə çəkməyi bacarıb. Asap Rocky isə ən son qatıldığı "Met Gala"dan fərqli olaraq seçimlərini nisbətən sadə edib. Qara pencəyi, açıq mavi şalvarı və qırmızı damalı ətək detalı izləyicilərinin rəğbətini qazanıb.
Biilie Eilish-ın isə yeni tərzini qoruduğunu görürük. Belə ki, öncəki bol və rahat geyimlərindən , rəngli saçlarından fəqli olaraq qara ecaskar libası və qara, hörülmüş saçları ilə qırmızı xalıda addımlayıb.
Gecəni ən yaddaqalan hadisəsi isə içəridə peyda olan qara böcək olub. Böcək kiminsə üzərindən basması ilə məhv olub.
Zümrüd Allahverdi
