"İnter Mayami" Messini transfer edə və onu 6 və ya 18 aylıq "Barselona"ya icarəyə verə bilər.
"Operativ Məlumat Mərkəzi-OMM" xəbər verir ki, bu barədə "L'Équipe" nəşri məlumat yayıb.
Argentinalı hücumçunun PSJ ilə müqaviləsi iyunun 30-dək qüvvədədir. Onun uzadılması gözlənilmir.
Leo əslində ailəsini bir neçə il Səudiyyə Ərəbistanına köçürmək istəmir və Kataloniyaya qayıtmağı üstün tutur. Lakin Sergio Buskets və Jordi Alba getdikdən sonra da Messi ilə müqavilə imzalamaq "Barselona" üçün iqtisadi cəhətdən mümkün deyil.
Leo bu yay bir Amerika klubu ilə müqavilə imzalayacaq, sonra isə dərhal 6 və ya 18 aylıq “Barselona”ya icarəyə veriləcək.
35 yaşlı forvard bu mövsüm PSJ-nin heyətində 40 oyunda 21 qol vurub və 20 məhsuldar ötürmə edib.