OMM Redaksiyası
Konfrans Liqasının əsas mərhələsinin ilk turunda “Trabzonspor” səfərdə Finlandiyanın KuPS komandasını 4:2 hesabı ilə üstələyib. Türkiyə təmsilçisinin heyətində Məhəmməd Salah qol və məhsuldar ötürmə ilə yadda qalıb.
Qonaqların heyətində hesabı 3-cü dəqiqədə Onuachu açıb. Salah 44-cü dəqiqədə fərqi artırıb, Cü isə 47-ci dəqiqədə üçüncü qolu vurub. KuPS-dan Pennanen 54-cü dəqiqədə fərqi azaldıb. Cü 90+1-ci dəqiqədə “Trabzonspor”un dördüncü qolunu vurub, Engvall isə 90+6-cı dəqiqədə yekun hesabı müəyyənləşdirib.
Football Tweet-in X sosial şəbəkəsində yaydığı məlumata görə, Salah Çempionlar Liqası, Avropa Liqası və Konfrans Liqasının hər birində həm qol vuran, həm də məhsuldar ötürmə edən ilk futbolçu olub.
“Trabzonspor” növbəti turda oktyabrın 22-də Türkiyədə Şotlandiyanın “Hart of Midlothian” klubu ilə qarşılaşacaq. Konfrans Liqasının hazırkı qalibi “Kristal Pəlas”dır.
