Mahmud Abbas Prezident İlham Əliyevə təbrik məktubu ünvanlayıb

Fələstin Dövlətinin Prezidenti və Fələstin Azadlıq Təşkilatı İcraiyyə Komitəsinin sədri Mahmud Abbas Azərbaycan Respublikasının Prezidenti İlham Əliyevə təbrik məktubu göndərib.

Dövlət başçısına ünvanlanan məktubda deyilir:

Hörmətli cənab Prezident.

Ölkənizin Müstəqillik Günü münasibətilə Sizə ən səmimi təbriklərimi çatdırmaqdan məmnunluq duyuram. Sizə cansağlığı, xoşbəxtlik və müvəffəqiyyət, qardaş Azərbaycan xalqına və hökumətinizə daha böyük tərəqqi və firavanlıq arzulayıram.

Mahmud Abbas ikitərəfli əlaqələrin inkişafı və möhkəmlənməsinə verdiyi önəmi vurğulayaraq, Azərbaycanın Fələstin məsələsi ilə bağlı tutduğu mövqeyi yüksək qiymətləndirdiyini bildirib. Məktubda, həmçinin aşağıdakı fikirlər yer alıb:

• Sizi və xalqınızı müqəddəs Qurban bayramı münasibətilə təbrik edir, ən xoş salamlarımı qəbul etməyinizi xahiş edirəm.