Maestro Niyazinin Mənzil Muzeyində "Açıq qapı günü" elan olunub, onun anadan olmasının 112 illiyinə həsr edilmiş sərgi keçirilib.
"Operativ Məlumat Mərkəzi-OMM" xəbər verir ki, tədbirdə Azərbaycan Musiqi Mədəniyyəti Dövlət Muzeyinin və onun filialı olan Niyazinin Mənzil Muzeyinin rəhbərliyi, əməkdaşları, ictimaiyyət nümayəndələri, jurnalistlər iştirak ediblər.
Ziyarətçilər Niyazinin doğum günü münasibətilə muzeyin foyesində hazırlanmış "Niyazi-112" yeni sərgisi ilə tanış olublar.
Daha sonra Ümummilli Lider Heydər Əliyevin Maestro Niyazi haqqında xatirələrinin videoyazısı təqdim edilib.
