Macarıstanın nüfuzlu universitetlərində 129 azərbaycanlı təqaüdlə təhsil alacaq

2024-2025-ci tədris ili üzrə Macarıstanın nüfuzlu universitetlərində 129 azərbaycanlı təhsil almaq imkanı qazanıb.

Bu barədə "Operativ Məlumat Mərkəzi-OMM"-ə Elm və Təhsil Nazirliyindən bildirilib.

Qəbul prosesi “Azərbaycan Respublikasının Təhsil Nazirliyi ilə Macarıstanın Xarici İşlər və Ticarət Nazirliyi arasında 2021-2023-cü illər üçün “Stipendium Hungaricum” proqramı çərçivəsində əməkdaşlıq haqqında Anlaşma Memorandumu”na uyğun olaraq həyata keçirilib.