Yarımmüdafiəçi Andros Taunsend "Luton"la müqavilə imzalayıb.
"Operativ Məlumat Mərkəzi-OMM" xəbər verir ki, bu barədə İngiltərə klubunun mətbuat xidməti məlumat yayıb.
32 yaşlı futbolçu yeni komandası ilə 2024-cü ilin yanvar ayının əvvəlinə kimi qısamüddətli müqavilə imzalayıb.
İngilis futbolçu Lutonda 30 nömrəni geyinəcək.
Qeyd edək ki, Taunsend 2022-ci ilin martından meydana çıxmayıb. Futbolçunun son klubu “Everton” olub.
Yarımmüdafiəçi "Tottenhem", "Nyukasl" və "Kristal Pelas" kimi komandalarda da çıxış edib.
