Rusiyanın "Lukoil" neft şirkəti təxminən 22 milyard dollar dəyərində xarici aktivlərinin əksəriyyətini Amerikanın özəl kapital şirkəti "Carlyle Group"a satmağa razılıq verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, sövdələşmə ABŞ hakimiyyəti tərəfindən təsdiqlənməlidir.
"Lukoil"in açıqlamasında şirkətin xarici aktivlərinə nəzarət edən bölməsi olan "LUKOIL International GmbH-ni Carlyle"ə satmağa razılıq verdiyi bildirilib.
“Sövdələşməyə Qazaxıstandakı aktivlər daxil deyil, onlar “Lukoil” şirkətinin mülkiyyətində qalacaq və müvafiq lisenziyalar çərçivəsində fəaliyyətini davam etdirəcək”, - açıqlamada deyilir.
"Lukoil" həmçinin digər potensial alıcılarla danışıqları davam etdirdiyini bildirib.
Şirkət qeyd edib ki, "Lukoil International" şirkətinin satışı bəzi ölkələrin "Lukoil" və onun törəmə şirkətlərinə qarşı məhdudlaşdırıcı tədbirlər tətbiq etməsi ilə əlaqədardır.
