Polşanın LOT aviaşirkəti Varşavadan Bakıya, Tbilisiyə, İrəvana, Tokioya və Seula uçuşların sayını artırmağı planlaşdırır.
"Operativ Məlumat Mərkəzi-OMM" Polşa mətbuatına istinadən xəbər verir ki, LOT aviaşirkəti bu il, həmçinin bir neçə istiqamət üzrə reysləri bərpa etməyə hazırlaşır. Bu istiqamətlər Afinaya, Ər-Riyada, Pekinə və Daşkəndədir.
Qeyd edək ki, LOT aviaşirkəti 2022-ci ilin may ayının 27-də Varşavadan Bakıya birbaşa reyslərə başlayıb. Varşavanın Şopen Beynəlxalq Aeroportundan Bakıya uçuşlar həftədə dörd dəfə (çərşənbə axşamı, çərşənbə, cümə və şənbə günləri) həyata keçirilir.
