Lənkəranda yaşayış evində kişi meyiti tapılıb.
"Operativ Məlumat Mərkəzi - OMM" in verdiyi məlumata görə, meyit axşam saatlarında rayonunun Vilvan kəndində yerli sakinlər tərəfindən aşkar edilib.
Dərhal hadisə yerinə təcili tibbi yardım briqadası və rayonunun hüquq mühafizə orqanları əməkdaşları cəlb olunub. Meyitə baxış zamanı onun 1973-cü il təvəllüdlü Vüqar Eldar oğlu Novruzovun olduğu müəyyən edilib.
Yaxınları, ondan 2-3 gün idi xəbər olmadığını bildiriblər. Hazırda ölümün səbəbləri dəqiqləşdirilir. Faktla bağlı araşdırma aparılır.
